CHF ILIYOBORESHWA

Tarehe Iliyowekwa: May 12th, 2018

Mganga Mkuu wa Halmashuri ya Mji Dr Jabil Juma amefunga mafunzo ya Mfuko wa afya ya jamii (CHF) iliyoboreshwa  yaliyofanyika katika ukumbi wa Ashock kwa siku tatu toka tarehe 07/05/2018 hadi 09/05/2018 washiriki wakiwa ni watoa huduma za afya wawili na wanakamati wawili kutoka kila Zahanati na kila Kituo cha afya.

Mada kuu katika mafunzo hayo yalikwa ni pamoja na:

• Dhana ya ugatuaji wa mipango na bajeti ya huduma za afya kwenda ngazi ya vituo - utaratibu wa kupeleka fedha moja kwa moja katika vituo (dhff)
• JAZIA” (mfumo wa kujazia dawa, vitendanishi na vifaa tiba – pale vinapokosekana) Bohari Kuu ya Dawa (MSD).
• Mfumo unatumia Mzabuni mmoja aliyechaguliwa kwa ushindani kujazia dawa na vifaa tiba vyote vinavyokosekana MSD.Mfuko wa Afya ya Jamii uliyoboreshwa (CHF Iliyoboreshwa)
• Kuhakiki mwanachama wa CHF kwa kutumia mfumo wa CHF.
• Kutuma madai kwa kutumia mfumo wa CHF.

Mafunzo hayo yaliendeshwa na Wataalam wa Halmashauri wailopata mafunzo juu ya mfumo huo ambao ni:

• Dr Jabili Juma  -   TMO
• Mkamila lilian  -   DHFF Coordinator
• Imelda Malima  - Mhasibu wa afya
• Noah Ngitoria    ­- Tehama

Mafunzo mengine yataendelea kwa maafisa waandikishaji (Enrollment Officer) watakaochaguliwa kutoka kila mtaa/kijiji ambao kazi yao kubwa ni kuwaandikisha wanachama wa CHF kwa ada ya 30,000/= kwa kaya.

Dr Jabil aliwata washiriki waliopata mafunzo kuhakikisha wanatekeleza majukumu yao ipasavyo na kwamba hataacha kuwachukulia hatua watakaoshindwa kutekeleza majukumu yao ipasavyo.Amewataka pia kuhakikisha wanakuwa na takwimu sahihi kwani kotukuwa na takwimu sahihi kunasababishia Halmashauri kukosa fursa mbalimbali zinazotokana na kuwa na takwimu na takwimu sahihi.

Aidha aliwasihi wanakamati walioshiriki katika mafunzo hayo kuhakikisha wanafanya uhamisishaji kwa jamii ili kujiunga na mfuko wa jamii ya Afya NHF iliyoboreshwa ikiwa ni moja ya majukumu yao.