HALMASHAURI YA MJI YAANZA MAANDALIZI YA UPANDAJI MITI KWA MSIMU UJAO 2018/2019

Tarehe Iliyowekwa: May 15th, 2018

Zoezi la uoteshaji wa miche ya miti aina ya midodoma likiendelea katika kitalu  cha Halmashauri ya Mji Nzega ikiwa na maandalizi ya kampeni ya upandaji miti kwa msimu ujao wa 2018/2019.

Mkurugenzi wa Halmashauri  ya Mji Ndg.Philemon M. Magesa amelenga kuzalisha  miche ya miti 125,000 kwaajili ya msimu ujao. Hadi sasa tayari miche 120,000 iko tayari kwaajili ya kupandikiza kwenye viriba zoezi linaloendelea kwa sasa.Mkurugenzi amesema kuwa baada ya zoezi la kuhamishia miche kwenye viriba kumalizika kila kata itagawiwa   jumla ya miche 10,000 kwaajili ya kukuza na  kutunza ambapo itapandwa katika kata husika.

Aidha Mkuu wa Idara ya Mipango Miji Ardhi na Maliasili Ndg. John D. Rikanga alieleza kuwa miti hiyo pamoja na kugawiwa kwa kila Kata pia taasisi za Serikali na zisizo za Serikali na taasisi za Dini zitagawiwa  miche hiyo.Lengo ni kila mmoja ashiriki katika zoezi zima la utunzaji wa mazingira kwa kupanda miti katika maeneo yao.