Rais atoa Bilioni 4 ujenzi wa Soko jipya Nzega Mjini

Tarehe Iliyowekwa: October 19th, 2023

Na James Kamala 

Rais wa Jamhuri ya Muungano wa Tanzania Dkt. Samia Suluhu Hassan ametoa Bilioni 4 kwa ajili ya Ujenzi wa Soko la kisasa la Nzega Parking Mjini Nzega mkoani Tabora Ili kuwezesha wafanyabiashara kufanya shughuli zao kwenye mazingira bora.

Rais Dkt. Samia ametoa fedha hizo alipotembelea soko hilo na kupkea ombi la Mbunge wa jimbo la Nzega mjini  ambaye pia ni Waziri wa Kilimo Mhe. Hussein Bashe. Aiwa sokoni hapo, Dkt Samia mbali na kutoa fedha kwa ajili ya ujenzi wa soko pia ametoa mitaji kwa wajasiriamali na wafanyabiashara wa soko hilo.

Katika ziara yake sokoni hapo, Rais DKt Samia alitembelea soko na kujionea jinsi wafanyabiashara wanavyopanga bidhaa zao na kuuza. Aliongea nao na kujua changamoto mbalimbali wanazokabiliana nazo kwenye shughuli za kila siku.

Mbali na kutoa fedha za ujenzi wa soko jipya la kisasa, Dkt Samia pia aliwaongezea baadhi wafanyabiashara wadogo wadogo mitaji ili kukuza shughuli zao na kujikwamua kiuchumi

Aidha Rais Dkt. Samia amewataka wafanyabiashara hao kupisha ujenzi na kuwaelekeza Mkuu wa Wilaya na Mkurugenzi kuhakikisha soko likikamilika wafanyabiashara waliopisha ujenzi ndio wapewe kipaumbele.